Healthy Posture Cane – العكاز الصحي

تفاصيل المنتج

 لو كنت بتمشي بعكاز او عندك حد بيستخدمه هتحتاج تجيب العكاز ده جداً وتستغنى تماماً عن العكاز اللي عندك، لإنه غير اي عكاز جربته، هو مصمم بطريقة صحية ومدروسة جداااااً.

العكازات التقليدية بيكون طولها غير مناسب ابداً وبتضطر تخلي اللي بيستخدمها يتني ضهره لقدام وهو ماشي، المشكلة في تنية الظهر دي إنها بتأثر بعدين على الفقرات وبتتسبب في حدوث مشكلة جديدة كنا في غنى عنها تماماً، يعني بدل ماكنت بتحاول تتغلب على مشكلة المشي هيطلعلك مشاكل تاني.

ليه رجل بلاستيكية بتقدر تستخدمها بزاوية 360 درجة وده هيفيدك لو جيت تتحرك اي حركة هتلاقيها بتتوائم معاك وبتلبي نفس الحركة وبتساعدك، كمان تصميم اليد من فوق مختلف وفيه انحناءات، واللي هتقدر تمسكها بإيدك الإتنين وتقوي من مسكتك، على عكس العكازات التقليدية مش بتقدر تمسكها كويس بإيد واحدة حتى.

كمان العكاز فيه مستويات للطول وعددهم 10، عشان تقدر تستخدم العكاز مهما كان طولك وتطول فيه براحتك او تقصره، العكاز هيساعدك تعتمد على نفسك ومش هتحتاج اي مساعدة من حد، وهيخليك تحب المشي والحركة بعد ماكنت مش بتفضلهم بسبب صعوبة المشي والمعاناة، هيجيلك مع العكاز ورقة إرشادات هتوضحلك تستخدمه ازاي بسهولة.

العكاز مصنوع من الالومنيوم القوي واللي عمره ماهيتكسر مهما اتحمل عليه، متوفر باللون الأسود المتميز واللي بيحبه اي حد، وفيه ديكورات مدهبة من عند مقبض الإيد عشان تحلي شكله، كمان قابل للطي عشان تاخده في اي مكان بسهولة زي مثلاً تعينه في شنطة العربية او على رجلك لحد ماتنزل وتبتدي تستخدمه تاني، كمان العكاز مناسب للسيدات والرجال.

كمان فيه ميدالية عشان تقدر تحطها في ايدك وتديك أمان اكتر وانت بتتحرك، يلا اطلبه من تاجرلى والحقه لإنه مفيدة جداً وبجد هيفرق معاك وكمان بنقدمهولك بسعر مميز صعب يتفوت